"AÇYK GAPYLAR" güni
Türkmenistanyň Daşary işler ministrliginiň Halkara gatnaşyklary instituty
2023-nji ýylyň 25-nji aprelinde sagat 15:00-da institutymyza berkidilen Aşgabat şäherindäki 37-nji, 68-nji, 72-nji, 76-njy we 21-nji ýöriteleşdirilen okuw-terbiýeçilik mekdebinden institutymyza okuwa girmäge isleg bildirýän gutardyş synp okuwçylaryny, 8-nji maýynda sagat 15:00-da ýurdumyzyň orta mekdepleriniň okuwçylaryny, esgerleri, önümçilikde zähmet çekýän ýaşlary we biziň institutymyza okuwa girmäge isleg bildirýän raýatlary
«AÇYK GAPYLAR»
gününe çagyrýar
«Açyk gapylar» gününde instituta gelen ýaşlar hormatly Prezidentimiz Serdar Berdimuhamedowyň alyp barýan işjeň daşary syýasatynyň dabaralanmagy, ýurdumyzyň daşary ykdysady gatnaşyklarynyň işjeňleşmegi, milli Liderimiziň ylym-bilim ulgamyny ösdürmek baradaky özgertmeleriniň durmuşa geçirilişi, institutda öwredilýän hünärler, kompýuter, internet, sinhron terjime we lingafon, interaktiw okuw otaglary, institutyň durmuşy baradaky stendler we wideofilm bilen, şeýle hem “Türkmen diplomatiýasynyň taryhy” muzeýi, okuw studiýasy, institutda hereket edýän Türkmenistanyň diplomatiýasynyň möhüm ugurlary boýunça okuw merkezi hem-de Durnukly ösüş maksatlary boýunça ylmy-usulyýet merkezi bilen tanşyp bilerler.
Welaýatlardan okuwa girmäge isleg bildirýän dalaşgärler üçin:
Balkan welaýaty – 10.04.2023 (24.04.2023) – Ýagşygeldi Kakaýew adyndaky Halkara nebit we gaz uniwersitetiniň şahamçasynda;
Daşoguz welaýaty – 11.04.2023 (25.04.2023) – Türkmen oba hojalyk institutynda;
Lebap welaýaty – 12.04.2023 (26.04.2023) – Seýitnazar Seýdi adyndaky Türkmen döwlet mugallymçylyk institutynda;
Mary welaýaty – 13.04.2023 (27.04.2023) – Türkmenistanyň Döwlet energetika institutynda
“Açyk gapylar” güni geçiriler.
Institutyň salgysy: Aşgabat şäheri, Galkynyş köçesiniň 25-nji jaýy.
Habarlaşmak üçin telefonlar: 22-02-63, 22-68-45.
Maglumat almak üçin institutyň web-saýty: www.iirmfa.edu.tm
HOŞ GELDIŇIZ!
https://turkmenistan.gov.tm/tk/habar/71198/turkmenistanyn-yokary-okuw-mekdeplerinde-acyk-gapylar-guni-baslandy
https://metbugat.gov.tm/newspaper?id=10014 - "Mugallymlar gazeti" (27.03.2023)
https://metbugat.gov.tm/newspaper?id=10055 - "Nesil" gazeti (04.04.2023)
https://orient.tm/ru/post/50458/institut-mezhdunarodnyh-otnoshenij-mid-priglashaet-na-den-otkrytyh-dverej
https://turkmenportal.com/blog/60124/institut-mezhdunarodnyh-otnoshenii-mid-turkmenistana-priglashaet-na-dni-otkrytyh-dverei