12-nji awgust — Halkara Ýaşlar güni
Dünýäde her ýylyň 12-nji awgusty Halkara Ýaşlar güni hökmünde bellenilip geçilýär. Bu baýramçylyk 1999-njy ýylda Birleşen Milletler Guramasynyň Baş Assembleýasy tarapyndan kabul edilen Kararnama esasynda döredilendir. Ýeri gelende belläp geçsek, häzirki wagtda Ýer ýüzüniň ilatynyň deň ýarysyny ýaşy 30 ýaşa çenli bolan adamlar tutýandyr.
Her ýyl Halkara Ýaşlar gününe bagyşlanan çäreler (dürli konsertler, sergiler, konferensiýalar) belli bir şygar astynda geçirilýär. Geçirilýän çäreleriň maksady jemgyýetde ýaşlaryň öz ornuny tapmagyna, olaryň kämil şahsyýetler bolup ýetişmeklerine gönükdirilendir. Bellenilýän baýramçylygyň baş maksady bolsa dünýäniň gurluşynda we onuň ösüşinde ýaşlaryň tutýan ornuny ýatlatmak bolup durýar.
Enejan MÄMMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň talyby.