Žurnalistika boýunça okuw sapaklary geçirilýär
2021-nji ýylyň 15-nji martyndan Türkmenistanyň Daşary işler ministrliginiň Halkara gatnaşyklary institutynda täze media, sanly žurnalistika we media sowatlylygy boýunça ýurdumyzyň ýokary okuw mekdeplerinde žurnalistika ugry boýunça bilim berýän professor-mugallymlar üçin wideoaragatnaşyk arkaly okuw sapaklary geçirilip başlandy. 15-19-njy mart aralygynda geçirilýän bu onlaýn okuw sapaklaryna Türkmenistanyň Daşary işler ministrliginiň Halkara gatnaşyklary institutynyň, Halkara Ynsanperwer ylymlary we ösüş uniwersitetiniň, Magtymguly adyndaky Türkmen döwlet uniwersitetiniň, Türkmen döwlet bedenterbiýe we sport institutynyň professor-mugallymlary, şeýle-de, sanly wideoaragatnaşyk ulgamy arkaly Beýik Britaniýanyň Türkmenistandaky Ilçihanasynyň, hem-de, IWPR taslamanyň Merkezi Aziýa boýunça wekilleri, belli žurnalistler we žurnalistika boýunça bilermenler – Adam Tinwort, Aleksandr Gorohowskiý, Marat Mamadşoýew, Tara Todres-Waýdhil, Timur Toktonaliýew, Aýzada Toma, Dilmorod Ýusupow, Ilýa Peçişew dagylar gatnaşdylar. Okuw sapaklarynyň dowamynda häzirki döwürde örän ýokary tizlik bilen ösýän we adamzat durmuşyna yzygiderli ornaşýan sanly tehnologiýalaryň habar beriş serişdelerine ýetirýän täsiri, sanly žurnalistikanyň möhüm ähmiýeti dogrusynda özara pikir alyşyldy.
Laçyn BERDIMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
IV ýyl talyby.