“ZENANLAR, PARAHATÇYLYK WE HOWPSUZLYK” ATLY SEBITLEÝIN MASLAHAT
2025-nji ýylyň 27-28-nji maýy aralygynda Ýewropada Howpsuzlyk we Hyzmatdaşlyk Guramasynyň guramagynda Birleşen Milletler Guramasynyň Howpsuzlyk Geňeşiniň “Zenanlar, parahatçylyk we howpsuzlyk” atly Kararnamasyny ýerine ýetirmek meseleleri boýunça sebitleýin maslahat geçirildi.
Sebitleýin maslahata Türkmenistanyň hukuk goraýjy edaralarynyň, Türkmenistanyň Bilim, Maliýe we ykdysadyýet, Zähmet we ilaty durmuş taýdan goramak, Saglygy goraýyş we derman senagaty ministrlikleriniň, Türkmenistanyň Merkezi Bankynyň, Aşgabat şäher we Ahal welaýat häkimlikleriniň, Türkmenistanyň Döwlet serhet, Döwlet migrasiýa, Döwlet gümrük gulluklarynyň, Türkmenistanyň Adalatçysynyň diwanynyň, Türkmenistanyň döwlet, hukuk we demokratiýa institutynyň, Zenanlar birleşiginiň, Magtymguly adyndaky Ýaşlar guramasynyň, Senagatçylar we Telekeçiler birleşmesiniň, köpçülikleýin habar-beriş serişdeleriniň wekilleri, Magtymguly adyndaky Türkmen döwlet uniwersitetiniň, Halkara ynsanperwer ylymlary we ösüş uniwersitetiniň hem-de Türkmenistanyň Daşary işler ministrliginiň Halkara gatnaşyklary institutynyň mugallymlary gatnaşdylar.
Maslahata gatnaşyjylar “Zenanlar, parahatçylyk we howpsuzlyk” atly Kararnamanyň ýerine ýetirilmeginiň çäklerinde hyzmatdaşlygyň mümkinçiliklerini ara alyp maslahatlaşdylar.
Täzegül BAZARGELDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň mugallymy.