ÝYLYŇ ŞYGARYNA BAGYŞLANAN MASLAHAT
2026-njy ýylyň 27-nji martynda Türkmenistanyň Daşary işler ministrliginiň Halkara gatnaşyklary institutynda Žurnalistikanyň nazaryýeti we amalyýeti kafedrasynyň guramagynda ýylyň şygary mynasybetli “Garaşsyz, baky Bitarap Türkmenistan – halkara hyzmatdaşlygyň parahatsöýüji nusgasy” atly maslahat geçirildi. Oňa Halkara žurnalistikasy fakultetiniň mugallymlarydyr talyp ýaşlary gatnaşdylar.
Maslahatyň dowamynda çykyş edenler 2026-njy ýylyň “Garaşsyz, baky Bitarap Türkmenistan – bedew batly at-myradyň mekany” diýlip atlandyrylmagynyň ähmiýeti, şu ýylda ýurdumyzda geçirilýän halkara çäreler, döwletimiziň hemişelik Bitaraplyk syýasatynyň sebitde we tutuş dünýäde parahatçylygy, howpsuzlygy, durnukly ösüşi berkitmekde möhüm guraldygy dogrusynda giňişleýin gürrüň berdiler.
Şeýle maslahatlaryň yzygiderli guralmagy talyp ýaşlaryň syýasy düşünjeleriniň artmagyna, olarda goşmaça bilim endikleriniň kemala gelmegine uly goşant goşýar.
Döwletgeldi ANNAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 3-nji ýyl talyby.