Ykdysady diplomatiýa ugry boýunça okuw sapagy
2023-nji ýylyň 17-nji maýynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň “Ykdysady diplomatiýa” ugry boýunça Türkmen döwlet ykdysadyýet we dolandyryş institutynyň talyplaryna “Türkmenistanyň ykdysady diplomatiýasynda milli bähbitler we söwda diplomatiýasy” atly temadan okuw sapagy geçirildi.
Okuw sapagyny Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň mugallymy Sülgün Nepesowa alyp bardy.
Sapakda diplomatiýa adalgasy, häzirki döwürde halkara gatnaşyklarynyň sazlaşykly ösüşini üpjün etmekdäki wajyplygy,Türkmenistanyň daşary syýasatynyň möhüm ugry hökmünde ykdysady hyzmatdaşlygy ösdürmegiň mümkinçilikleri hakynda aýdyldy. Ýurdumyz häzirki döwürde oňyn Bitaraplyk we «Açyk gapylar» syýasatlaryndan ugur almak bilen dünýä döwletlerinde hoşniýetli, dostlukly we özara bähbitli hyzmatdaşlygy alyp barýar. Häzirki wagtda ýer ýüzünde bolup geçýän üýtgeşmeleri, döwletleriň arasynda ösdürilýän söwda-ykdysady gatnaşyklary we köpugurly hyzmatdaşlygy, Merkezi Aziýa we Hazar deňziniň sebitinde däl-de, eýsem dünýäniň has ösen döwletler bilen söwda-ykdysady diplomatiýany ösdürmekligi hem döwrüň talap edýän durmuşa geçirilmeli işlerini nazara almak bilen, Türkmenistan sebitde we bütin dünýäde söwa-ykdysady diplomatiýany üstünlikli alyp barýar. Halkara hyzmatdaşlygynda ykdysady diplomatiýanyň milli bähbitleri barada bellenilip geçildi.
Sapakda talyplar mugallym bilen sowal-jogap alyşdylar.Şeýle sapaklaryň dowamly geçirilmegi talyp ýaşlarda ykdysady diplomatiýa barada giňişleýin düşünjäniň kemala gelmegine ýardam edýär.
Gyzylgül GURBANMUHAMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň mugallymy.