Ykdysady diplomatiýa ugry boýunça ilkinji okuw sapagy
2022-nji ýylyň 3-nji oktýabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň guramagynda ykdysady diplomatiýasy ugry boýunça ilkinji okuw sapagy başlandy. Okuw sapagyny institutyň Halkara ykdysady gatnaşyklary kafedrasynyň uly mugallymy Perhat Çaryýew alyp bardy. Bu okuw sapagy «Ykdysady diplomatiýanyň kesgitlenilişi we zerurlygy» atly tema boýunça geçirildi. Okuw sapagynyň dowamynda häzirki döwürde döwletleriň daşary syýasatynyň ykdysady ugry bolan Ykdysady diplomatiýanyň kesgitlenişi we zerurlygy barada, ykdysady diplomatiýa döwletiň daşary syýasatynyň we onuň alyp barýan halkara işjeňliginiň düzüm bölegini emele getirýär, häzirki taryhy döwürde ýurduň ykdysady ösüşini üpjün etmekdäki wajyp orny, ähmiýeti dogrusynda giňişleýin gürrüň berildi. Söhbetdeşligiň dowamynda talyp ýaşlar mugallyma özlerini gyzyklandyrýan sowallar bilen ýüzlendiler.
Gyzylgül GURBANMUHAMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň mugallymy.