«Ýaş žurnalistler» ylmy-döredijilik gurnagynda ýaşlaryň döredijilik duşuşygy
2023-nji ýylyň 29-njy martynda Türkmenistanyň Daşary işler ministrliginiň Halkara gatnaşyklary institutynyň Žurnalistikanyň nazaryýeti we amalyýeti kafedrasynyň «Ýaş žurnalistler» ylmy-döredijilik gurnagynyň guramagynda «Arkadag Serdarly bagtyýar ýaşlar» ady bilen döredijilik duşuşygy geçirildi. Oňa gurnagyň ylym iş alyp barýan agzalary we mekdep okuwçylary gatnaşdylar.
Duşuşygyň dowamynda mekdep okuwçylar «Ýaş žurnalistler» ylmy-döredijilik gurnagynyň maksady, onuň çägindäki «Umman» kitaphanasy, žurnalistikanyň muzeýi, şeýle-de «Ýaş diplomatyň sesi» elektron, okuw-önümçilik gazetiniň redaksiýasy, «Žurnalistiň sesi» içki talyplar radioýaýlymy we okuw studiýasy bilen tanyşdylar. Şeýle-de ylym iş alyp baryan gurnagyň agzalary bilen ylmyň inçe syrlary barada pikir alyşdyrlar.
Merjen AŞYROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy faultetiniň II ýyl talyby.