ÝAŞ HABARÇYLARA «SPORT ŽURNALISTINIŇ ERK ETMELI BAŞARNYKLARY» ATLY OKUW SAPAGY GEÇIRILDI
2026-njy ýylyň 22-nji ýanwarynda Türkmenistanyň Daşary işler ministrliginiň Halkara gatnaşyklary institutynda şu ýylyň 11-nji fewralynda Aşgabat şäherinde geçirilýän Türkmenistanyň «Arkadag» futbol kluby bilen Saud Arabystanynyň «Al-Nasr» toparynyň arasynda AFC-2 Çempionlar ligasynyň 1/8 finalynyň ilkinji duşuşygyny şöhlelendirmek maksady bilen ýurdumyzyň ýokary okuw mekdeplerinden gatnaşjak ýörite habarçylar (media) toparynyň ýaş wagyzçylary bilen sanly ulgam arkaly nobatdaky okuw sapagy geçirildi. Oňa habarçylar (media) toparynyň agzalary sanly ulgam arkaly gatnaşdylar.
Okuw sapagyny «Sport žurnalistiniň erk etmeli başarnyklary» atly tema boýunça Türkmen döwlet bedenterbiýe we sport institutynyň Diller kafedrasynyň mugallymy Gurbangeldi Mämmetsähedow alyp bardy. Mugallym öz çykyşynda sport diplomatiýasynyň ähmiýeti, soňky ýyllarda ýurdumyzda geçirlen halkara sport ýaryşlary, sportuň futbol görnüşiniň aýratynlygy barada täsirli gürrüň berdi. Şeýle-de Türkmenistanyň «Arkadag» futbol kluby we Saud Arabystanynyň «Al-Nasr» topary bilen bagly käbir gyzykly maglumatlary talyplar bilen paýlaşdy.
Ogulmaýsa ATAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 1-nji ýyl talyby.