Ýaş diplomatlaryň mekdebiniň agzalarynyň gatnaşmagynda okuw sapagy
2022-nji ýylyň 16-njy aprelinde Türkmenistanyň Daşary işler ministrliginiň Halkara gatnaşyklary institutynda “Diplomatiýada sanly tehnologiýalaryň orny we habar alyş-çalyşygynyň täze serişdeleri” temasy boýunça Ýaş diplomatlaryň mekdebiniň agzalarynyň gatnaşmagynda okuw sapagy geçirildi.
Bu okuw sapagynda Halkara gatnaşyklary we diplomatiýa kafedrasynyň mugallymy Rahym Akmuradow gatnaşyjylara sanly diplomatiýa barada giňişleýin sapak geçdi. Ýaş diplomatlaryň mekdebiniň agzalary halkara gatnaşyklarynda sanly diplomatiýanyň orny we ähmiýeti barada maglumatlara eýe boldular. Sapagyň dowamynda gatnaşyjylar özlerini gyzyklandyrýan sowallary bilen ýüzlenip jogap aldylar.
Aýşat AŞYROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.