“ÝAŞ DIPLOMATLAR” YLMY GURNAGYNYŇ GURNAMAGYNDA OKUW SAPAGY GEÇIRILDI
2026-njy ýylyň 6-njy aprelinde Türkmenistanyň Daşary işler ministrliginiň Halkara gatnaşyklary institutynda Halkara gatnaşyklary we diplomatiýa kafedrasynyň "Ýaş diplomatlar" ylmy gurnagy tarapyndan 76-njy ýöriteleşdirilen mekdebiniň okuwçylaryna Türkmenistanyň çägindäki gadymy siwilizasiýalar barada okuw sapagy geçirildi.
Okuw sapagyny Halkara gatnaşyklary we diplomatiýa kafedrasynyň mugallymy Selbi Gandymowa alyp bardy. Mugallym öz çykyşynda taryhda ilkinji dörän medeniýetler barada gürrüň berdi we mekdep okuwçylaryna gadymy siwilizasiýalar barada taryhy maglumatlary öwrenip, bilimlerini artdyrmagy maslahat berdi.
Çykyşyň ahyrynda mekdep okuwçylary özlerini gyzyklandyrýan sowallar bilen mugallyma ýüzlendiler we täsir galdyryjy jogaplary aldylar.
Begenç SERDAROW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.