"Ýaş diplomatlar" ylmy gurnagynyň agzalary üçin zehin bäsleşigi
2023-nji ýylyň 29-njy martynda Türkmenistanyň Daşary işler ministrliginiň Halkara gatnaşyklary institutynda "Parahatçylygyň ýaş çaparlary" atly akyl-paýhas bäsleşiginiň II möwsüminiň IV oýny geçirildi. «Dialog — parahatçylygyň kepili: gadymy eýýamyň diplomatik mirasynda parahatçylyk medeniýeti» atly umumy şygar astynda gurnalan «Gadymy Ariý we Hindistan siwilizasiýalary: diplomatiýanyň ruhy-ahlak binýatlary» ady bilen geçirilen bäsleşige institutymyzyň "Ýaş diplomatlar" ylmy gurnagynyň agzalary gatnaşdylar.
Çekeleşikli geçen bäsleşikde “Ýaş diplomatlar” ylmy gurnagynyň işjeň agzalary Jahan Şukurowa, Güljahan Garlyýewa we Erkin Amangeldiýew baýrakly orunlara mynasyp boldular.
Institutyň "Ýaş diplomatlar" ylmy gurnagy tarapyndan gurnalýan "Parahatçylygyň ýaş çaparlary" atly akyl-paýhas bäsleşiginiň diňe bir okuwçylaryň arasynda däl, eýsem, talyplaryň arasynda hem geçirilmegi olaryň ukyp-başarnyklaryny artdyrmaga, watançylyk duýgusyny has-da berkitmäge itergi berýär.
Maral KARLYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.