Ýaş diplomatlar ylmy gurnagynyň agzalary üçin zehin bäsleşigi
2022-nji ýylyň 30-njy martynda Türkmenistanyň Daşary işler ministrliginiň Halkara gatnaşyklary institutynyň "Ýaş diplomatlar" ylmy gurnagynyň agzalarynyň gatnaşmagynda "Parahatçylygyň ýaş çaparlary" atly akyl-paýhas bäsleşigi geçirildi. Onda talyplar "Osman döwletiniň daşary syýasaty we diplomatiýasy" atly temadan özara bäsleşdiler.
Çekeleşikli geçen bäsleşikde “Ýaş diplomatlar” ylmy gurnagynyň işjeň agzalary Maral Karlyýewa, Gülruh Geldiýewa we Agarejep Omarow baýrakly orunlara mynasyp boldular.
Institutyň "Ýaş diplomatlar" ylmy gurnagy tarapyndan gurnalýan "Parahatçylygyň ýaş çaparlary" atly akyl-paýhas bäsleşiginiň diňe bir okuwçylaryň arasynda däl, eýsem, talyplaryň arasynda hem geçirilmegi olaryň ukyp-başarnyklaryny artdyrmaga, watançylyk duýgusyny has-da berkitmäge itergi berýär.
Şamyrat AŞYRMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.