ÝAŞ DIPLOMATLAR MEKDEBINIŇ AGZALARYNYŇ GATNAŞMAGYNDA NOBATDAKY OKUW SAPAGY GEÇIRILDI
2025-nji ýylyň 7-nji maýynda Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň «Ýaş ykdysatçylar» ylmy gurnagynyň guramagynda Ýaş diplomatlar mekdebiniň agzalarynyň gatnaşmagynda «Ykdysady adalgalaryň düşündirilişi» atly tema boýunça fakultatiw okuw sapagy geçirildi. Okuw sapagyna Ýaş diplomatlar mekdebiniň işjeň mekdep okuwçylary, institutyň professor-mugallymlary, «Ýaş ykdysatçylar» ylmy gurnagynyň agzalary işjeň gatnaşdylar.
«Türkmenistanda tebigy we takyk ylmy ugurlara degişli dersleri okatmagy kämilleşdirmegiň Konsepsiýasyny» ýerine ýetirmek üçin Türkmenistanyň Daşary işler ministrliginiň Halkara gatnaşyklary institutynyň 2025-nji ýyl üçin meýilnamasyna laýyklykda, tebigy we takyk ylmy ugurly dersleri çuňlaşdyryp öwredýän ýöriteleşdirilen mekdepleriň okuwçylarynyň geljekde hünärlerini saýlamaga ýardam bermegi işjeňleşdirmekde geçirilen okuw sapagy örän täsirli boldy.
Guralan fakultatiw okuw sapagy diňleýjileriň ykdysady bilimleriniň başlangyç düşünjeleriniň kämilleşdirilmeginiň, olaryň innowasion pikirlenmeginiň hem-de ýaşlary sazlaşykly terbiýelemegiň täze usullaryny bilim ulgamyna ornaşdyrmagyň özboluşly şöhlelenmesi boldy.
Myrat Amangeldiýew,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby.