ÝAPONIÝANYŇ TSUKUBA UNIWERSITETI BILEN TANYŞDYRYŞ DABARASY
2025-nji ýylyň 14-nji oktýabrynda Türkmenistanyň Daşary işler ministrliginiň Halkara gatnaşyklary institutynyň ýapon dilini öwrenýän talyplary bilen Ýaponiýanyň öňdebaryjy ýokary okuw mekdepleriniň biri bolan Tsukuba uniwersiteti we onuň bilim ulgamynda alnyp barylýan işleriň aýratynlygy barada tanyşdyryş dabarasy geçirildi.
Maslahatyň dowamynda Tsukuba uniwersitetiniň professor-mugallymy Ýuji Kajiyama uniwersitetde bilim alýan daşary ýurtly talyplar we hyzmatdaşlygy ýola goýlan öňdebaryjy ýokary okuw mekdepleri barada gürrüň berdi. Dinozawrlary öwrenmekde hünärmen we professor-mugallym Kohei Tanaka öz ylmy işleri hem Türkmenistanyň çäginde dinozawrlary öwrenmekde alyp barýan barlaglary barada çykyş etdi. Şeýle-de, Türkmenistanyň Daşary işler ministrliginiň Halkara gatnaşyklary institutynda ýapon dilini öwrenýän talyplar maslahatda çykyş edenlere özlerini gyzyklandyrýan sowallar bilen ýüzlendiler.
Dünýägözel BABAHANOWA,
Türkmenistanyň Daşary işler ministrliginiň
Halkara gatnaşyklary institutynyň
Dünýä dilleri kafedrasynyň mugallymy.