Wideorolikler boýunça bäsleşigiň jemi jemlendi
2022-nji ýylyň 7-nji oktýabrynda Türkmenistanyň Daşary işler ministrliginiň Halkara gatnaşyklary institutynyň Žurnalistikanyň nazaryýeti we amalyýeti kafedrasynyň “Ýaş žurnalistler” ylmy-döredijilik gurnagynyň guramagynda Halkara žurnalistikasy fakultetiniň 1-nji ýyl talyplarynyň arasynda wideorolikleri taýýarlamak boýunça bäsleşik geçirildi. Bu bäsleşikde institutyň 1-nji ýyl talyplary öz ukyp-başarnyklaryny ählitaraplaýyn açyp görkezmäge mümkinçilik gazandylar. Olar öz taýýarlan işlerinde institumyzda talyp ýaşlar üçin döredilen amatly we döwrebap şertleri giňden şöhlelendirdiler. Wideorolikleriň dowamynda talyplar nazaryýetde alan bilimlerini amalyýetde synap gördüler. Bu çykyşlar institutymyzyň halypa mugallymlary — emin agzalary tarapyndan mynasyp bahalandyryldy.
Talyp ýaşlar bäsleşige hödürlän wideoýazgylarynda okamaga, öwrenmäge, döretmäge döredilýän mümkinçilikler üçin hormatly Prezidentimize tüýs ýürekden çykýan buýsançly sözlerini beýan etdiler.
Aýşirin Döwletowa,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
Syýasy kommunikasiýa we internet
žurnalistikasy
hünäriniň 1-nji ýyl talyby.