Wagyz - nesihat duşuşygy geçirildi
2023-nji ýylyň 18-nji aprelinde Türkmenistanyň Daşary işler ministrliginiň Halkara gatnaşyklary institutynda Hormatly Prezidentimiziň neşe serişdeleriniň bikanun dolanşygyna we neşekeşlige garşy yzygiderli göreşmek hem-de bu ugurda alnyp barylýan işleri has-da güýçlendirmek üçin ýaşlaryň arasynda wagyz – nesihat duşuşygy geçirildi. Oňa Türkmenistanyň Daşary işler ministrliginiň Halkara gatnaşyklary institutynyň professor mugallymlary, talyp ýaşlary we birnäçe myhmanlar gatnaşdy.
Duşuşykda Ýokanç keseller müdiriýetiniň AIDW epidimiolog lukmany, Şamuhammet Öwezmyradow, Aşgabat şäherindäki neşekeşligiň, arakhorlugyň we ruhy keselleriň öňüni alyş merkeziniň lukmany Akbibi Täçmämmedowa, Aşgabat şäher Arassaçylyk we keselleriň ýaýramagyna garşy göreşmek gullugynyň epidimiolog lukmany, Maral Allabaýewa, Aşgabat şäher Saglygy goraýyşyň Habarlar Merkeziniň lukmany Möwlämow Möwlamberdi Hakberdiýewiç dagy milletiň saglygynyň maşgaladan, ýaş nesillerden başlanýandygyny, neşekeşligiň ilki bilen adam saglygyna örän ýokary zyýan ýetirýändigini bellediler we bu dogrusynda birnäçe mysallaryň üsti bilen talyp ýaşlara düşündirdiler.
Duşuşygyň dowamynda lukman Arkadagymyzyň, Arkadagly Serdarymyzyň neşe serişdeleriniň bikanun dolanşygyna we neşekeşlige garşy göreşmek babatda alyp barýan nusgalyk işleri barada giňişleýin gürrüň berdiler.
Duşuşygyň ahyrynda talyplaryň we myhmanlaryň arasynda birnäçe sowal-jogaplar alşyldy.
Aýgül Mämmedowa,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby.