Wagyz-nesihat duşuşygy geçirildi
2022-nji ýylyň 29-njy iýulynda Türkmenistanyň Jemgyýetçilik guramalarynyň Merkezinde Türkmenistanyň Magtymguly adyndaky Ýaşlar guramasynyň Aşgabat şäher hem-de Köpetdag etrap Geňeşleri bilen bilelikde gurnamagynda Gahryman Arkadagymyzyň “Ösüşiň täze belentliklerine tarap” atly kitabynyň 14-nji tomunyň çapdan çykmagy mynasybetli wagyz-nesihat duşuşygy geçirildi.
Duşuşyga Türkmenistanyň Daşary işler ministrliginiň Halkara gatnaşyklary institutynyň wekilleri hem gatnaşdylar.
Duşuşygyň dowamynda çykyş edenler Gahryman Arkadagymyzyň täze eserinde beýan edilýän maglumatlaryň gymmaty dogrusynda aýratyn durup geçdiler.
Çykyşlarda Arkadagly Serdarymyzyň baştutanlygynda ýurdumyzyň gazanýan üstünlikleri, ýeten belent sepgitleri hakynda hem bellenilip geçildi.
Dabaranyň ahyrynda oňa gatnaşyjylar türkmen halkynyň bagtyýar durmuşy ugrunda uly işleri durmuşa geçirýän Gahryman Arkadagymyza, Arkadagly Serdarymyza hoşallyk sözlerini aýtdylar.
Gülşat BAÝRAMOWA,
Türkmenistanyň Daşary işler ministrliginiň
Halkara gatnaşyklary institutynyň
ylmy kitaphanasynyň bölüm müdiri.