Wagyz-nesihat çäresi geçirildi
2022-nji ýylyň 21-nji sentýabrynda Türkmenistanyň Daşary işler ministrliginiň Halkara gatnaşyklary institutynda ýokanç keselleriň öňüni almak, olaryň ýaýramagyna garşy göreşmek we ahlak arassalygy bilen bagly talyp ýaşlaryň arasynda wagyz-nesihat çäresi geçirildi.
Bu çärä Ýokanç keselleri merkezi müdiriýetiniň lukmany Şamuhammet Öwezmyradow, Aşgabat şäher neşekeşligiň, arakhorlugyň we ruhy keselleriň öňüni alyş merkeziniň lukmany Akbibi Täçmuhammedowa we Aşgabat şäher Arassaçylyk we keselleriň ýaýramagyna garşy göreşmek gullugynyň epidemiolog lukmany Maral Allabaýewa dagy gatnaşyp ýokanç keselleriň öňüni almak, AIW (Adamyň immunoýetmezçiliginiň wirusy), AIDS (Adamyň immundefisitiniň sindromy) ýaly ýokanç keselleriň adam saglygyna yetirýän zyýany hakynda giňişleýin gürrüň berdiler.
Şamyrat AŞYRMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.