Wagyz nesihat çäresi geçirildi
2022-nji ýylyň 12-nji aprelinde Türkmenistanyň Daşary işler ministrliginiň Halkara gatnaşyklary institutynda talyp gyzlaryň we talyp gelinleriň arasynda terbiýeçilik işlerini güýçlendirmek, olaryň ýüze çykýan nogsanlyklardan daşda durmaklaryny gazanmak, hukuk bilimlerini artdyrmak, zyýanly endikleriň adamyň saglygyna ýetirýän ýaramaz täsiri baradaky sowatlylyklaryny ýokarlandyrmak, jenaýatçylygyň öňüni almak hem-de türkmeniň döwletlilik ýörelgelerini, milli däp-dessurlaryny giňden wagyz etmek maksady bilen Aşgabat şäher Berkararlyk etrap kazyýetiniň hem-de Türkmenistanyň Saglygy goraýyş we derman senagaty ministrliginiň Onkologiýa ylmy kliniki merkeziniň wekilleriniň, institutyň professor-mugallymlarynyň, institutyň şepagat uýasynyň şeýle hem talyp gelin-gyzlaryň gatnaşmagynda wagyz nesihat çäresi geçirildi.
Maslahatyň dowamynda myhmanlar öz saglygyňy goramaklyga biperwaý ýa-da oňa sowuk-sala garamagyň öwezini dolup bolmajak ýitgileriň üstünden eltjekdigi barada belläp geçmek bilen, bu işleri jemgyýete wagyz-nesihat etmegiň jemgyýetçilik guramalarynyň paýyna düşýändigini aýtdylar. Maslahata gatnaşyjylar sagdyn nesili kemala getirmek üçin tebigy gözelligi gorap saklamagyň we arassaçylyk kadalaryny dogry ýerine ýetirmegiň ähmiýeti barada hem jikme-jik belläp geçdiler.
Aýna Babaýewa,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň II ýyl talyby