Kazandaky «Tomusky uniwersitet taslamasyna» türkmen talyplary gatnaşýar
2024-nji ýylyň 8-nji iýulynda Kazanyň federal uniwersitetinde (KFU) «Tomusky uniwersitet» atly taslama öz işine başlady. Onuň açylyş dabarasy B.Ramaýew adyndaky tehnoparkynda geçirildi. Bu taslama Russiýa Federasiýasynyň ylym we ýokary bilim ministrligi tarapyndan durmuşa geçirilýär.
Bu ýyl «Tomusky uniwersitet taslamasyna» Abhaziýa, Azerbaýjan, Belarus, Günorta Afrika, Braziliýa, Hytaý, Hindistan, Eýran, Gazagystan, Täjigistan, Türkmenistan, Özbegistan we Russiýa Federasiýasy ýaly jemi 13 ýurtdan 400 talyp gatnaşýar.
Çäräni Russiýanyň ylym we ýokary bilim ministriniň orunbasary Konstantin Mogilewskiý açdy. Ol wideo ýüzlenmesinde taslamanyň myhmanlary bilen salamlaşyp, Russiýanyň ýüzlerçe medeniýetiň, dilleriň we däp-dessurlaryň biri-biri bilen baglanyşýan köpmilletli ýurtdygyny aýtdy.
Çykyşynyň dowamynda KFU-nyň daşary gatnaşyklary boýunça prorektory Timirhan Alişew şu ýyl taslama gatnaşmak üçin 3000 arzanyň gelip gowuşandygyny aýtdy. Kazanda geçirilýän «Tomusky uniwersitet» taslamasyna Türkmenistanyň Daşary işler ministrliginiň Halkara gatnaşyklary institutynyň 3-nji ýyl talyby hem-de Dünýä dilleri kafedrasynyň rus dili mugallymy Maýa Çaryýewa, şeýle-de Türkmen döwlet ykdysadyýet we dolandyryş institutynyň 4 sany talyp ýaşlary gatnaşýarlar.
Jennet MYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň III ýyl talyby.
Bu barada şu ýerde hem okap bilersiňiz: