Rus dili hepdeligi dowam edýär
2023-nji ýylyň 27-nji aprelinde Türkmenistanyň Daşary işler ministrliginiň Halkara gatnaşyklary institutynda Rus dili hepdeliginiň çäginde «Halkara gatnaşyklarynda döwlet nyşanlary» atly bäsleşik geçirildi.
Garaşsyzlygyň we bitewüligiň iň ýokary şöhlelenmesi bolan döwlet nyşanlarynyň halkara gatnaşyklaryndaky ähmiýeti, olaryň taryhy babatda talyplaryň bilimini artdyrmak, şeýle hem rus dilini kämilleşdirmek maksady bilen gurnalan bu bäsleşik gaty çekeleşikli geçdi. Bäsleşigiň netijesinde emin agzalarynyň çözgüdi bilen 1-nji orny Halkara žurnalistikasy fakulteti we Halkara hukugy fakulteti, 2-nji orny Halkara gatnaşyklary fakulteti, 3-nji orny bolsa Halkara ykdysady gatnaşyklary fakulteti eýeledi.
Ajaýyp NOBATOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.