UniCEN-iň halkaralaşmak boýunça okuw maslahaty
2023-nji ýylyň 24-25-nji martynda Gyrgyz Respubliksasynyň Bişkek şäherinde Amerikan Geňeşleri UniCEN-iň halkaralaşmak boýunça okuw maslahaty geçirdi. UniCEN maksatnamasynyň maksady ABŞ we Merkezi Aziýadaky ýokary okuw mekdepleriniň arasynda halkara hyzmatdaşlygy üçin mümkinçilikleri döretmekden ybaratdyr.
Halkara hyzmatdaşlyk merkezi, Halkara bilim institutynyň ylmy işgäri, professor Sýuzan Bak Satton, şeýle-de, Pensilwaniýa ştatynyň Uniwersitetiniň iňlis dili kafedrasynyň dosenti we bütindünýä hyzmatdaşlygynyň synag sanlaşdyrylyşy kafedrasynyň öňdebaryjy professory Tiffani Makkuari halkaralaşmagyň dürli ugurlary we ABŞ-nyň ýokary bilim ulgamy baradaky maglumatlary hödürlediler. Bu çärä Gazagystandan, Gyrgyzystandan, Türkmenistandan we Özbegistandan gelen Merkezi Aziýanyň 40 ýokary bilim edaralarynyň wekilleri gatnaşdy. Türkmenistandan bu okuw maslahatyna ýurdumyzyň bäş ýokary okuw mekdebiniň, ýagny Magtymgulynyň adyndaky Türkmen döwlet uniwersitetiniň, Halkara ynsanperwer we ösüş uniwersitetiniň, Türkmenistanyň Daşary işler ministrliginiň Halkara gatnaşyklary institutynyň we Türkmenistanyň telekommunikasiýa we informatika institutynyň wekilleri gatnaşdylar.
Amerikan Geňeşleri ABŞ-nyň uniwersitetleriniň wekilleri bilen hyzmatdaşlygy başlamagyň ýollary we usullary barada amaly maslahatlary bilen paýlaşdylar we ABŞ-nyň uniwersitetleri bilen netijeli aragatnaşygy ýola goýmak üçin galyplary hödürlediler.
Tylla BABAÝEWA,
Türkmenistanyň Daşary işler ministrliginiň
Halkara gatnaşyklary institutynyň mugallymy.
Şeýle hem bu barada şu ýerden okap bilersiňiz:
https://salamnews.tm/section/ylym-bilim/bilim/turkmen-mugallymlary-biskekde-gecirilen-halkaralasmak-boyunca-okuw-maslahatyna-gatnasdylar-d1b5e8