Uly zähmetiň miwesi
2024-nji ýylyň 22-25-nji iýuly aralygynda Moskwada A. A.Gromyko-2024 adyndaky GDA-nyň ýaş halkaraçylarynyň bäsleşiginiň finalçylarynyň forumy geçirildi. Bu ýyl GDA-nyň 10 ýurdundan 560-dan gowrak adam bäsleşige gatnaşdy. Ermenistan, Belarus, Gazagystan, Gyrgyzystan, Moldowa, Russiýa, Täjigistan, Türkmenistan we Özbegistandan öňdebaryjy uniwersitetlere, akademiki institutlarda, döwlet edaralaryna, jemgyýetçilik we işewür guramalara wekilçilik edýän 50-den gowrak gatnaşyjy finala çykdy.
Bäsleşigiň finalçylarynyň forumynda Türkmenistandan Türkmenistanyň Daşary işler ministrliginiň Halkara gatnaşyklar institutynyň uçurymy Serdar Rahymow wekilçilik etdi. Bäsleşikde Serdar “Hazar sebitiniň döwletleriniň daşary syýasat strategiýasynda energiýa potensialynyň roly” atly ylmy iş hödürledi. Däp bolşy ýaly, çäräniň iş bölümleri iki esasy ýerde geçirildi: Russiýanyň Ylymlar akademiýasynyň Ýewropa instituty we Russiýanyň Daşary işler ministrliginiň MGIMO uniwersiteti. Çärä gatnaşyjylara Russiýa Ylymlar akademiýasynyň Ýewropa institutynyň müdiri A.A. Gromyko, Russiýa Federasiýasynyň Federasiýa Geňeşiniň Halkara gatnaşyklar boýunça Komitetiniň başlygynyň orunbasary A.A. Klimow, Russiýa Federasiýasynyň Ylymlar akademiýasynyň akademigy, prezidiumynyň agzasy A.W. Torkunow, Russiýanyň Prezidentiniň serhetara hyzmatdaşlygy boýunça müdiriniň orunbasary S.V. Malenko, Bileleşik döwletiniň hemişelik komitetiniň sosial syýasat we maglumat üpjünçiligi bölüminiň başlygy S.V. Klimow we beýlekiler çykyş etdiler. Şeýle-de Russiýa Federasiýasynyň Daşary işler ministrliginiň resmi wekili, Maglumat we metbugat bölüminiň müdiri M.V. Zaharowa, Belarus Respublikasynyň Prezidentiniň ýanyndaky Dolandyryş akademiýasynyň rektory I.I. Buzowskiý, A.A. Gromyko adyndaky Daşary syýasaty öwreniş birleşiginiň başlygy, Belarus Respublikasynyň Milli Ylymlar akademiýasynyň degişli agzasy S.K.Rahmanow.
Foruma gatnaşyjylar Russiýa Federasiýasynyň Daşary işler ministrligine baryp, GDA ýurtlarynyň üçünji bölüminiň müdiri A.V. Sternik bilen duşuşdy.
Çäräniň dowamynda gatnaşyjylar seljeriş hasabatlarynyň üstünde işlediler we Daşary syýasat alymlar birleşiginiň kärdeşlerine we hünärmenlerine esasy tezisleri we amaly teklipleri hödürlediler.
Medeni we bilim maksatnamasynyň çäginde Ýeňiş muzeýine gezelenç guraldy.
Bäsleşik, A.A. Gromyko adyndaky Daşary syýasaty öwreniş birleşigi, Russiýanyň Daşary işler ministrliginiň MGIMO uniwersiteti, Russiýa Ylymlar akademiýasynyň Ýewropa instituty tarapyndan Ýewraziýa ykdysady komissiýasynyň we Bileleşik döwletiniň hemişelik komitetiň, Belarus Respublikasynyň Prezidentiniň ýanyndaky Dolandyryş akademiýasynyň goldawy bilen guraldy. Taslama GDA-nyň ynsanperwer hyzmatdaşlygynyň döwletara gaznasynyň grantyndan maliýeleşdirilýär.
Gülruh GELDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň III ýyl talyby.
Şeýle hem bu barada şu ýerden okap bilersiňiz: