TÜRKMENISTANYŇ ÝEWROPADA HOWPSUZLYK WE HYZMATDAŞLYK GURAMASY BILEN HYZMATDAŞLYGY BARHA GIŇEÝÄR
2024-nji ýylyň 31-nji oktýabrynda Ýewropada Howpsuzlyk we Hyzmatdaşlyk Guramasynyň Aşgabatdaky merkeziniň guramagynda Türkmenistanyň Daşary işler ministrliginiň Halkara gatnaşyklary institutynyň hem-de Halkara ynsanperwer ylymlary we ösüş uniwersitetiniň talyplary üçin guramanyň Aşgabatdaky merkezi binasynda “Häzirkizaman howpsuzlyk arhitekturasynda ÝHHG-niň orny” atly okuw sapagy geçirildi.
Okuw sapagy “ÝHHG-niň we onuň Aşgabatdaky merkezinň işi barada habarlylygy ýokarlandyrmak” taslamasynyň çäginde guraldy.
Çäräniň dowamynda Aşgabatdaky ÝHHG-niň merkeziniň başlygy, Ilçi Jon MakGregor çykyş etdi. Ilçi öz çykyşynda talyplary ÝHHG-niň taryhy, guramanyň gurluşy we onuň syýasaty bilen tanyşdyrdy, şeýle hem 2025-nji ýylda geçiriljek 1975-nji ýylyň Helsinki Jemleýji resminamasyna gol çekilmeginiň 50 ýyllygy barada belläp geçdi.
Çäräniň ahyrynda talyplar ÝHHG-niň Aşgabatdaky täze açylan merkezi binasyna gezelenç guradylar şeýle-de işgärler bilen söhbetdeşlik geçirdiler.
Aýşat AŞYROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň IV ýyl talyby.