“Türkmenistanyň Prezidentiniň daşky gurşawy goramak we ekologiýa syýasaty – durnukly ösüşiň kepili” atly ylmy seminar geçirildi
2022-nji ýylyň 21-nji aprelinde Türkmenistanyň Daşary işler ministrliginiň Halkara gatnaşyklary institutynyň Jemgyýeti öwreniş ylymlary hem-de Halkara ykdysady gatnaşyklary kafedralarynyň bilelikde guramagynda “Türkmenistanyň Prezidentiniň daşky gurşawy goramak we ekologiýa syýasaty – durnukly ösüşiň kepili” atly ylmy seminar geçirildi. Ylmy seminarda Jemgyýeti öwreniş ylymlary kafedrasynyň müdiriniň wezipesini ýerine ýetiriji, uly mugallym, filosofiýa ylymlarynyň kandidaty Ogulgurban Ezimowa “Türkmenistanyň ekologiýa diplomatiýasy – adam ekologiýasynyň kepili” dogrusynda şeýle-de, Türkmenistanyň Adalat ministrliginiň işgäri we institutyň magistranty Leýli Saryýewa “Daşky gurşawy goramakda Türkmenistanyň halkara hyzmatdaşlygynyň ähmiýeti” atly mowzuklary boýunça çykyşlary etdiler. Ekologiýanyň jemgyýet bilen arabaglanyşygy Türkmenistanyň ekologiýa syýasatynda ilkinji başlangyçlary baradaky gürrüňdeşlikler seminara gatnaşyjylarda uly täsir galdyrdy.Ylmy seminaryň dowamynda halkara ekologiýa syýasaty barada talyplary gyzyklandyrýan sorag-jogaplar alşyldy.
Geçen ylmy seminaryň ahyrynda ýaşlarda ekologiýa syýasatyny ylmy taýdan öwrenmäge, halkara gatnaşyklarynda ýurdumyzyň abraýyny artdyrmaga we geljekki nesillere görelde bolmaga döredip berýän giň mümkinçilikleri üçin hormatly Prezidentimize sagbolsun aýdyldy.
Ilaman BAHADUROW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl talyby.