30/11/-0001
616
TÜRKMENISTANYŇ MEJLISINIŇ DEPUTATLYGYNA DALAŞGÄR BILEN DUŞUŞYK GEÇIRILDI
2023-nji ýylyň 26-njy martynda Türkmenistanyň Mejlisiniň ýedinji çagyrylyşynyň deputatlarynyň, welaýat, etrap we şäher halk maslahatlarynyň bäşinji çagyrylyşynyň agzalarynyň, Geňeşiň dokuzynjy çagyrylyşynyň agzalarynyň saýlawlary geçirilýär.
Häzirki wagtda ýurdumyzda hasaba alnan dalaşgärler bilen saýlawçylaryň duşuşyklary guramaçylykly amala aşyrylýar.
Aşgabat şäheriniň 1-nji “Garaşsyzlyk” okrug saýlaw toparynyň guramagynda 2023-nji ýylyň 6-njy martynda Türkmenistanyň Daşary işler ministrliginiň Halkara gatnaşyklary institutynda Türkmenistanyň Mejlisiniň ýedinji çagyrylyşynyň deputatlygyna dalaşgär “Awtomobil ulag hyzmaty” açyk görnüşli paýdarlar jemgyýetiniň Ykdysadyýet we seljeriş bölüminiň başlygy Atageldi Döwletgeldiýewiç Paltaýew bilen duşuşyk geçirildi. Bu gurnalan duşuşykda Türkmenistanyň Mejlisiniň ýedinji çagyrylyşynyň deputatlygyna dalaşgär Atageldi Paltaýew özüniň maksatnamasy bilen çykyş etdi we saýlawçylar bilen sorag-jogap alyşdy.
Duşuşyga Aşgabat şäheriniň 1-nji “Garaşsyzlyk” okrug saýlaw toparynyň agzalary, institutyň professor-mugallymlary, talyplary, okrugda hasaba alnan Türkmenistanyň Mejlisiniň deputatlygyna dalaşgäriň ynanylan adamlary gatnaşdylar.
Sona KERIMOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara jemagat hukugy ugrunyň magistranty.