“TÜRKMENISTANYŇ HALK MASLAHATYNYŇ ÇÖZGÜTLERI: ÝAŞLAR SYÝASATY” ATLY MASLAHAT GEÇIRILDI
2025-nji ýylyň 12-nji sentýabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň Halk Maslahatynyň ähmiýetini wagyz etmek maksady bilen, “Türkmenistanyň Halk Maslahatynyň çözgütleri: Ýaşlar syýasaty” atly maslahat geçirildi. Bu maslahata institutyň mugallymlary we talyp ýaşlary işjeň gatnaşdylar.
Türkmenistanyň Daşary işler ministrliginiň Halkara gatnaşyklary institutynyň Jemgyýeti öwreniş ylymlary kafedrasynyň mugallymlary Mähriban Garaýewa, Muhammet Süleýmanow hem-de Halkara gatnaşyklary we diplomatiýa kafedrasynyň mugallymy Selbi Gandymowa Türkmenistanda ýaşlar syýasatynyň ähmiýeti barada örän täsirli çykyş etdiler.
Maslahatyň ahyrynda oňa gatnaşyjylar ýaş nesle döredilip berilýän giň mümkinçilikler üçin türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyza we Türkmenistanyň hormatly Prezidenti Arkadagly Gahryman Serdarymyza öz hoşallyklaryny bildirdiler.
Mähriban GARAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Jemgyýeti öwreniş ylymlary kafedrasynyň mugallymy.