“TÜRKMENISTANYŇ HALK MASLAHATY – MILLI DEMOKRATIÝANYŇ NUSGASY” ATLY BRIFING GEÇIRILDI
2025-nji ýylyň 28-nji awgustynda Türkmenistanyň Daşary işler
ministrliginiň Halkara gatnaşyklary institutynda 2025-nji ýylyň 20-nji awgustynda
Türkmenistanyň Halk Maslahatynyň Başlygy Gurbanguly Berdimuhamedowyň
başlyklyk etmeginde geçirilen Türkmenistanyň Halk maslahatynyň Prezidiumynyň
mejlisinde kabul edilen kararlar we olaryň ähmiýetini wagyz etmek maksady bilen
“Türkmenistanyň Halk Maslahaty – milli demokratiýanyň nusgasy” atly brifing
geçirildi. Brifinge Magtymguly adyndaky Türkmen döwlet uniwersitetiniň,
Halkara ynsanperwer ylymlary we ösüş uniwersitetiniň hem-de Türkmenistanyň
Daşary işler ministrliginiň Halkara gatnaşyklary institutynyň mugallymlary we
talyplary gatnaşdylar.
Brifingde Türkmenistanyň Kärdeşler arkalaşyklarynyň Milli merkeziniň
bölüm müdiri, halypa mugallym, alym, hukuk ylymlarynyň doktory, professor,
Türkmenistanyň at gazanan ýuristi, Hormatly il ýaşulusy Myrat Haitow bilen
Türkmenistanyň Daşary işler ministrliginiň Halkara gatnaşyklary institutynyň
Halkara hukugy we deňeşdirme hukuk öwreniş kafedrasynyň uly mugallymy Dürli
Ballyýewa çykyş etdiler.
Brifingiň dowamynda Türkmenistanyň Halk maslahatynyň Prezidiumynyň
mejlisinde “Türkmenistanyň Halk Maslahaty hakynda” Türkmenistanyň
Konstitusion kanuny esasynda Türkmenistanyň Halk Maslahatynyň mejlisini
çagyrmak we ýokary derejede geçirmek boýunça guramaçylyk toparyny döretmek,
mejlisiň geçiriljek senesini kesgitlemek, guramaçylyk toparynyň düzümini
tassyklamak hakynda kabul edilen degişli resminamalar barada giňişleýin gürrüň
edildi.
Merjen GURBANNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň uly mugallymy.