Türkmenistanyň Gyzyl Ýarymaý Milli jemgyýetinde geçirilen okuw sapagy
2023-nji ýylyň 10-njy noýabrynda Türkmenistanyň Daşary işleri ministrliginiň Halkara gatnaşyklary institutynyň Halkara hukugy fakultetiniň III ýyl talyplary Halkara ynsanperwer hukugy dersi boýunça Türkmenistanyň Gyzyl Ýarymaý Milli jemgyýetinde göçme okuw sapagyny geçirdiler. Sapagyň dowamynda Milli jemgyýetiň ynsanperwerlik kömegi bilen adamlaryň janyny we mertebesini goramak, olara kömek bermek ýaly birnäçe garaşsyz, bitarap hereketleri edýändiklerini belläp geçdiler. Şeýle hem, bu jemgyýet özünde 7 sany ýörelgäni saklaýandygyny nygtap, olar barada birnäçe maglumatlary berdiler. Hakykatdan hem, ýurdumyzyň baýry ynsanperwer jemgyýetçilik guramalarynyň biri bolan bu Milli jemgyýet täze taryhy eýýamda ýurdumyzda amala aşyrylýan durmuş-ykdysady özgertmelere işjeň gatnaşyp gelýär. Ol raýatlaryň durmuş goraglylygyny üpjün etmek, ilatyň saglygyny goramak, maşgala institutynyň derejesini berkitmek, ýaş nesli türkmen halkynyň rehimlilik, duýgudaşlyk we ýakynyňa kömek goluny uzatmak ýaly iň gowy däpleriniň ruhunda terbiýelemek ýaly ugurlarda uly işler geçirýär.
Türkmenistanyň Gyzyl Ýarymaý Milli jemgyýeti 1926-njy ýylda döredilip, ol ata-babalarymyzyň wesýet eden ynsanperwerlik, hoşniýetlilik we adalatlylyk ýaly maksatlaryna tarap ugruny üýtgewsiz saklamagy başardy hem-de olaryň manysyna şu günüň ýagdaýlaryna görä edip täzeden düşünip, şol maksatlary bu günki güne çenli durmuşa geçirmegini dowam gelýär. Milli jemgyýeti öz işini ýurdumyzyň tutuş çäginde öz welaýat, şäher we etrap şahamçalarynyň üsti bilen amala aşyrýar. Umuman, bu guramanyň döredilen ilkinji günlerinden häzire çenli geçen ýoly Türkmenistanyň taryhy bilen baglydyr.
Oguljahan JOBBOROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň III ýyl talyby.