«TÜRKMENISTANYŇ DIPLOMATIÝASYNYŇ MÖHÜM UGURLARY» ATLY MASLAHAT
2025-nji ýylyň 5-nji iýulynda Türkmenistanyň Daşary işler ministrliginiň Halkara gatnaşyklary institutynyň Türkmenistanyň diplomatiýasynyň möhüm ugurlary boýunça okuw merkezleriniň (Suw diplomatiýasy, Ulag diplomatiýasy, Energetika diplomatiýasy, Öňüni alyş diplomatiýasy, Ykdysady diplomatiýasy) hem-de Durnukly ösüş maksatlary boýunça ylmy-usulýet merkeziniň 2024-2025-nji okuw ýylynda tassyklanan okuw meýilnamasyna laýyklykda fakultatiw okuw sapaklaryny üstünlikli tamamlan diňleýji talyplara şahadatnamalar gowşuryldy. Bu merkezleriň çäklerinde «Merke Aziýada suw diplomatiýasynyň orny», «Birleşen Milletler Guramasynyň deňze çykalgasy bolmadyk ösüp barýan ýurtlar boýunça üçünji (LLDC-3) maslahatynyň ähmiýeti», «Energetika diplomatiýasynyň syýasy we ykdysady jähitleri», «Merkezi Aziýa sebitinde öňüni alyş diplomatiýasynyň häzirki zaman mehanizimleri», «Häzirki zaman ykdysady diplomatiýanyň derwaýys meseleleri», «BMG-niň Durnukly ösüş maksatlary we olaryň ähmiýeti» atly birnäçe temalardan umumy we söhbet sapaklaryny ýokary derejeli hünärmenler we halkara bilermenler tarapyndan geçirildi. Ýeri gelende bellesek, maslahatda “Türkmen Logistika” Assosiasiýasynyň orunbasary S.Gurbanberdiýew çykyş etdi. Maslahatyň çäklerinde Türkmenistanyň Daşary işler ministrliginiň Halkara gatnaşyklary institutynda fakultatiw okuw sapaklaryna işjeň gatnaşan diňleýji talyplaryň ýüz dört sanysyna (104) degişli şahadatnamalar gowşuryldy.
Maslahatyň ahyrynda oňa gatnaşyjylar özgertmelere beslenen döwrümizde ýaşlara bilim almaga döredip berýän giň mümkinçilikleri üçin türkmen halkynyň Milli Lideri Gahryman Arkadagymyza, Arkadagly Gahryman Serdarymyza tüýs ýürekden alkyş sözlerini beýan etdiler.
Perhat ÇARYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň
uly mugallymy.