«Türkmenistanyň Bütindünýä söwda guramasy bilen hyzmatdaşlygy» atly breýn-ring bäsleşigi
TÜRKMENISTANYŇ BILIM MINISTRLIGI
TÜRKMENISTANYŇ DAŞARY IŞLER MINISTRLIGINIŇ
HALKARA GATNAŞYKLARY INSTITUTY
Halkara ynsanperwer ylymlary we ösüş uniwersitetiniň, Ýagşygeldi Kakaýew adyndaky halkara nebit we gaz uniwersitetiniň, S.A.Nyýazow adyndaky Türkmen oba hojalyk uniwersitetiniň,Türkmenistanyň Oguz han adyndaky Inžener-tehnologiýalar uniwersitetiniň, Türkmen döwlet ykdysadyýet we dolandyryş institutynyň, Türkmen döwlet maliýe institutynyň, Türkmenistanyň Telekommunikasiýalar we informatika institutynyň, Türkmen döwlet binagärlik-gurluşyk institutynyň, Türkmenistanyň Inžener tehniki we ulag kommunikasiýalary institutynyň talyplarynyň arasynda «Türkmenistanyň Bütindünýä söwda guramasy bilen hyzmatdaşlygy» atly breýn-ring bäsleşigini geçirmegiň
DÜZGÜNNAMASY
Türkmenistanyň daşary söwda syýasatynyň halkara hyzmatdaşlygyny ösdürmek boýunça esasy ugurlaryny özünde jemleýän «Türkmenistanyň daşary ykdysady işini ösdürmegiň 2020-2025-nji ýyllar üçin Maksatnamasyny», şeýle hem «Türkmenistanyň 2021 — 2030-njy ýyllar üçin daşary söwda strategiýasyny» ýerine ýetirmegiň çäklerinde ýaşlaryň halkara hyzmatdaşlygyny işjeňleşdirmek we talyplaryň ylym-bilim we hünär başarnyklaryny kämilleşdirmekde ýokary netijeleri gazanmak maksady bilen, Türkmenistanyň Daşary işler ministrliginiň Halkara gatnaşyklary instituty tarapyndan ýokary okuw mekdepleriniň talyplarynyň arasynda «Türkmenistanyň Bütindünýä söwda guramasy bilen hyzmatdaşlygy» atly breýn-ring bäsleşigini guramak we geçirmek boýunça Düzgünnama işlenip taýýarlanyldy.
I. Bäsleşigiň maksady
1.1. «Pähim-paýhas ummany Magtymguly Pyragy» ýylynda Türkmenistanyň daşary söwda syýasatyny ösdürmegiň esasy ugurlaryny has içgin öwrenmäge, bu ugurda ýokary okuw mekdepleriniň talyp ýaşlarynyň arasyndan halkara ykdysady ýagdaýlary seljermek we daşary-ykdysady işleri meýilleşdirmek boýunça zehinli ýaşlary ýüze ýüze çykarmakdan;
1.2. Ýokary okuw mekdepleriniň arasynda bilim ulgamynda gatnaşyklaryny ýola goýmakdan we talyplary kämilleşdirmekden ybarat.
II. Bäsleşigiň geçiş tertibi
2.1. Bäsleşigiň guramaçylary bolup, Türkmenistanyň Maliýe we ykdysadyýet ministrligi hem-de Türkmenistanyň Bilim ministrligi çykyş edýärler.
2.2. Bäsleşigiň soraglary we guramaçylyk işleri Türkmenistanyň Maliýe we ykdysadyýet ministrligiň Bütindünýä söwda guramasy bilen hyzmatdaşlyk bölüminiň wekillerinden ybarat bolan topar tarapyndan kesgitleniler.
2.3. Bäsleşik 2024-nji ýylyň 10-njy iýunynda Ylymlar güni mynasybetli Türkmenistanyň Daşary işler ministrliginiň Halkara gatnaşyklary institutynyň Türkmenistanyň diplomatiýasynyň möhüm ugurlary boýunça «Ykdysady diplomatiýa» okuw merkezinde geçiriler.
2.4. Bu bäsleşige her ýokary okuw mekdebinden 4 sany talypdan ybarat bolan toparlar gatnaşar.
2.5. Breýn-ring bäsleşigi iňlis dilinde sorag-jogap görnüşinde bolar.
2.6. Bäsleşigiň tapgyrlary alyp baryjy tarapyndan berlen soraglara kesgitlenen wagtda jogap bermek arkaly geçiriler. (her soraga 1 minut wagt berilýär).
2.7. Bäsleşigiň netijeleri emin agzalarynyň gelen kararlary esasynda jemlener.
III. Bäsleşigiň ýeňijilerini kesgitlemegiň tertibi
3.1. Bäsleşigiň ýeňijilerini Türkmenistanyň Daşary işler ministrliginiň,Türkmenistanyň Maliýe we ykdysadyýet ministrligiň eminler topary tarapyndan kesgitlener.
3.2. Bäsleşiginiň ýeňijileri I, II we III orunlar bilen yglan ediler. Ýeňijiler Türkmenistanyň Daşary işler ministrliginiň Halkara gatnaşyklary institutynyň degişli diplomlary we hemaýatkärleriň sowgatlary bilen sylaglanylar.
Bäsleşigiň geçişi baradaky ähli maglumatlar institutyň web-saýtynda (iirmfa.edu.tm) ýerleşdirilýär.
Habarlaşmak üçin:
Telefon belgisi:+993 12 22-69-63
Bu barada şu ýerde hem okap bilersiňiz: