Türkmenistanyň Beýik Saparmyrat Türkmenbaşy adyndaky Şekillendiriş sungat muzeýiniň “Türkmenistan-parahatçylygyň we ynanyşmagyň Watany” ýylyna bagyşlanyp gurnalan sergisi.
“Türkmenistan-parahatçylygyň we ynanyşmagyň Watany” diýip atlandyrylan 2021-nji ýyl turubaşdan şatlykly wakalara, toýdur baýramlara beslenýär. Mukaddes Garaşsyzlygymyzyň şanly 30 ýyllyk baýramynyň uly dabaralara beslenjek ýylynda garşy alýan her günümiz şatlykly wakalardan doly. Ýylyň bu ajaýyp şygary ýurdumyzyň Bitaraplyk derejesiniň, hormatly Prezidentimiziň baştutanlygynda ösüşiň we rowaçlygyň ýoly bilen ynamly öňe gitmek bilen baglanşykly maksatnamany beýan edýär. Şeýle hem, bu Türkmenistanyň ählumumy başlangyçlary, amala aşyrylýan milli we halkara taslamalary bilen kybap gelýär. Onuň manysy Garaşsyz, Bitarap Türkmenistanyň başlangyjy boýunça Birleşen Milletler guramasynyň Baş Assambleýasynyň 73-nji mejlisinde kabul edilen 2021-nji ýyl “Halkara parahatçylyk we ynanyşmagyň ýyly” atly Kararnama doly gabat gelýär.
“Türkmenistan-parahatçylygyň we ynanyşmagyň Watany” diýip yglan edilmeginiň ähmiýeti hakda näçe aýtsaň, aýdybermeli, sebäbi bu taryhy çözgüdiň many-mazmuny diýseň giňdir we çuňdyr. Onuňam iň esasy ähmiýeti ösüp gelýän nesli watançylyk ruhunda terbiýelemäge gönükdirilendiginde bolsa gerek. Türkmenistanyň Şekillendiriş sungaty muzeýiniň bu ýylymyzyň ajaýyp şygary bolan “Türkmenistan-parahatçylygyň we ynanyşmagyň Watany” ýyly mynasybetli 2021-nji ýylyň 15-19-njy fewraly aralygynda Türkmenistanyň Daşary işler ministrliginiň Halkara gatnaşyklary institutynda göçme sergisi guraldy. Sergide ýurdumyzyň ussat nakgaşlarynyň hem-de heýkeltaraşçylarynyň ýerine ýetiren ajaýyp sungat eserleri bu serginiň gözelligine gözellik goşýar. Sungat eserlerinde ajaýyp Watanmyzyň waspy tebigatyn asuda sährasy görkezilýär. Bu eserleri ýurdumyzyň ussat suratkeşleri Türkmenistanyň halk suratkeşi Annadurdy Almämmedowyň “Magtymgulynyň watanynda”, Türkmenistanyň halk suratkeşi Ýewgeniý Adamowanyň “Eziz diýarda”, Inga Pawloskaýaň “Lilýalar” natýurmordy, Hezret Rejepowyň “Pagtaçylar” we başgada birnäçe keramika, heýkel eserleri sergide görkezilýär. Sergide Annadurdy Almämmedowyň “Magtymgulynyň watanynda” atly eserinde suratkeş şahyryň şygyrlary ýaly türkmen tebigatynyň ajaýyp bahar paslyna meňzeş gözelligini görkezýär. Eser ýagty owadan ajaýyp görnuşe eýedir. Şular ýaly ajaýyp sergileri gurnamaklyga, şeýle hem türkmen medeniýetiniň we sungatynyň gülläp ösmegine uly mümkinçilikleri döredip berýän hormatly Prezidentimiziň janynyň sag bolmagyny, tutýan tutumly işleriniň mundan beýläk hem rowaç bolmagyny arzuw edýäris. Goý, parahat Watanymyz hemişe gülläp-gül açsyn.
Dünýägözel ÇARYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.