TÜRKMENISTANDA SANLY INNOWASIÝALAR WE BMG HYZMATDAŞLYGY
2026-njy ýylyň 23-nji oktýabrynda Birleşen Milletler Guramasynyň gününe bagyşlanyp, «Garaşsyz, hemişelik Bitarap Türkmenistanda innowasion tehnologiýalary ornaşdyrmak işini kämilleşdirmegiň ugurlary boýunça esasy ýörelgeler we BMG bilen Türkmenistanyň arasyndaky hyzmatdaşlyk» diýen temada okuw-usuly seminary geçirildi.
Maslahatyň dowamynda Dünýä dilleri kafedrasynyň uly mugallymy Ç.Baýryýewa «Durnukly ösüşi öňe ilerletmek: Türkmenistanda innowasion tehnologiýalary ornaşdyrmagyň esasy çemeleşmeleri» diýen tema boýunça çykyş etdi. Mugallym sanly tehnologiýalaryň Türkmenistanyň milli maksatnamalaryna, iri ykdysady taslamalaryna we durmuş syýasatyna doly ornaşdyrylan Durnukly Ösüş Maksatlaryna (DÖM) ýetmegiň esasy binýady bolup hyzmat edýändigini belledi. Bu esasy ýörelgelere laýyklykda, hormatly Prezidentimiz tehnologiýalara esaslanýan çözgütleriň ornaşdyrylmagyny goldamagy dowam etdirýär. Şeýlelikde, ýurt boýunça telemedisina, elektron hökümet platformalary we sanly bilim ulgamlaryna elýeterlilik giňeldilýär.
Mugallymyň çykyşyndan soňra talyplar öz prezentasiýalary bilen çykyş etdiler. Olar Türkmenistan bilen Birleşen Milletler Guramasynyň arasyndaky berk
hyzmatdaşlyk, şeýle hem BMG-niň global parahatçylygy we ösüşi goldamakdaky esasy wezipeleri barada giňden gürrüň berdiler.
Mamajan SÄHETLIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň 3-nji ýyl talyby