“Türkmenistan sagdynlygyň ýurdy” atly sportuň gandbol görnüşi boýunça fakultetara ýaryş
15-nji iýunda Türkmenistanyň Daşary işler ministrliginiň Halkara gatnaşyklary institutynda talyp oglanlaryň arasynda sportuň gandbol görnüşi boýunça fakultetara ýaryş geçirildi. Ýaryşyň maksady talyp ýaşlaryň saglygyny berkitmek, şeýle hem olary köpçülikleýin bedenterbiýä we sporta çekmek bilen birlikde, sagdyn bedenli, ruhy taýdan kämil ýaşlary kemala getirmek bolup durýar. Bu çäräniň geçirilmegi hormatly Prezidentimiziň ýaşlar we sport baradaky syýasatynyň durmuşa geçirilýändiginiň ýene-de bir aýdyň subutnamasy boldy.
Şeýle bäsleşikleriň yzygiderli geçirilmegi talyplaryň okuwdan daşary wagtlaryny peýdaly we gyzykly geçirmekligine ýardam edýär. Bäsleşigiň ahyrynda çärä gatnaşyjylar eziz Arkadagymyza şeýle ajaýyp, bagtly, sagdyn durmuşy peşgeş berýändigi üçin köp sagbolsun aýtdylar.
Kyýat ILAMANOW,
Türkmenistanyň Daşary işler ministrliginiň
Halkara gatnaşyklary institutynyň I ýyl talyby.