TÜRKMEN-ÖZBEK GATNAŞYKLARYNA BAGYŞLANAN MEDENI ÇÄRE
2023-nji ýylyň 7-nji maýynda paýtagtymyzyň gözel ýerleriniň biri bolan
“Daşkent” seýilgähindäki özbek Çaýhanasy myhmanlara hemişekisi ýaly ýene-
de gujak açyp garşylady. Türkmen-özbek gatnaşyklaryna bagyşlanan medeni
çärä paýtagtymyzyň ýaşaýjylary we muhmanlary bilen bir hatarda
Türkmenistanyň Daşary işler ministrliginiň Halkara gatnaşyklary institutynyň
Halkara žurnalistikasy fakultetiniň talyplary hem gatnaşdylar.
Türkmen-özbek dost-doganlyk gatnaşyklarynyň hormatyna guralan
medeni çäreleriň dowamynda türkmen halkynyň meşhur aýdymçylarynyň, tans
toparlarynyň ýerine ýetirmeginde özbek medeniýetiniň özboluşlylygyny
şöhlelendirýän tanslar, aýdym-sazlar ýaňlandy.
Şeýle-de özbek Çaýhanasynyň baş aşpezi, özbegistanly tejribeli
hünärmen Rustam Ilýamow tarapyndan 100 kilogramlyk uly gazanda özbek
palawynyň taýýarlanyp, gelen myhmanlara hödürlenmegi dabaranyň täsirini
has-da artdyrdy. Ýeri gelende belläp geçsek, özbek medeniýeti we däp-
dessurlaryny ýatladýan iki gatly Çaýhana 100 adama hyzmat görkezmäge
niýetlenendir.
Aziza HUDAÝNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.