30/11/-0001
479
«TÜRKMEN HALKYNYŇ MILLI LIDERINIŇ PARAHATÇYLYGY DÖREDIJI DAŞARY SYÝASATY WE DIPLOMATIÝASY» atly dabaraly maslahat geçirildi
2023-nji ýylyň 28-nji ýanwarynda Türkmenistanyň Daşary işler ministrliginiň Halkara gatnaşyklary institutynyň uly mejlisler zalynda «Türkmen halkynyň milli lideriniň parahatçylygy dörediji daşary syýasaty we diplomatiýasy» atly dabaraly maslahat geçirildi. Oňa Türkmenistanyň Daşary işler ministrliginiň Halkara gatnaşyklary institutynyň, Halkara ynsanperwer ylymlary we ösüş uniwersitetiniň talyp-ýaşlary we professor-mugallymlary, şeýle-de birnäçe ýokary derejeli myhmanlar gatnaşdylar. Maslahaty Türkmenistanyň Daşary işler ministrliginiň Halkara gatnaşyklary institutynyň rektory Jumamyrat Gurbangeldiýew alyp bardy.
Bu maslahatda Türkmenistanyň Döwlet, hukuk we demokratiýa institutynyň direktory Ýagmyr Nuryýew, Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary we diplomatiýa kafedrasynyň dosenti, Adatdan daşary we Doly ygtyýarly Ilçi Çary Nyýazow, Türkmenistanyň kärdeşler arkalaşyklarynyň Milli merkeziniň bölüm müdiri Myrat Haitow, Türkmenistanyň Daşary işler ministrliginiň Halkara gatnaşyklary institutynyň professor mugallymlary çykyş etdiler.
Maslahatda çykyş edenler, Milli Liderimiziň parahatçylygy dörediji daşary syýasaty barada şeýle-de, türkmen diplomatiýasy, onuň ösüşi dogrusynda belläp geçdiler.
Dabaranyň ahyrynda, maslahata gatnaşyjylar Türkmenistanyň Prezidenti Serdar Berdimuhamedowa «Türkmen halkynyň Milli Lideriniň parahatçylygy dörediji daşary syýasaty we diplomatiýasy» atly dabaraly maslahata gatnaşyjylaryň adyndan Ýüzlenme kabul edildi.
Gyzylgül GURBANMUHAMEDOWA,
Türkmenistanyň Daşary işler ministrliginiň
Halkara gatnaşyklary inistitutynyň
Halkara ykdysady gatnaşyklary
kafedrasynyň mugallymy.