Türkmen diplomatiýasynyň şanly taryhy
2022-nji ýylyň 15-nji fewralynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatik işgärleriniň güni mynasybetli, Türkmenistanyň Milli Geňeşi, Türkmenistanyň Kärdeşler arkalaşyklarynyň Milli merkezi, Türkmenistanyň Daşary işler ministrligi we Türkmenistanyň Daşary işler ministrliginiň Halkara gatnaşyklary instituty bilen bilelikde “Türkmenistanyň diplomatiýasy-onuň taryhy, şu güni we geljegi” atly aýdym-sazly baýramçylyk maslahaty geçirildi.
“Türkmenistanyň diplomatiýasy-onuň taryhy, şu güni we geljegi” atly aýdym-sazly maslahat balamazyndan öň Türkmenistanyň Daşary işler ministrliginiň Halkara gatnaşyklary institutynda Türkmenistanyň Döwlet medeniýet merkeziniň Döwlet muzeýi tarapyndan guralan sergä syn edildi.
Maslahatyň dowamynda Türkmenistanyň Daşary işler ministrliginiň Halkara gatnaşyklary institutynyň rektory J.Gurbangeldiýew, ÝUNESKO-nyň işleri boýunça Türkmenistanyň milli toparynyň jogapkär sekretary, Türkmenistanyň Gahrymany Ç.Rüstemowa, Türkmenistanyň Döwlet, hukuk we demokratiýa institutynyň direktory Ý.Nuryýew, Türkmenistanyň Milli Geňeşiniň Halk maslahatynyň agzasy, Halk maslahatynyň Halkara meseleleri baradaky komitetiniň başlygy M.Bäşimowa, Türkmenistanyň Milli Geňeşiniň Mejlisiniň deputaty, Mejlisiň Halkara we Parlamentara gatnaşyklary baradaky komitetiniň agzasy N.Kömekow, Türkmenistanyň Daşary işler ministrliginiň Ýewropa ýurtlary bölüminiň geňeşçisi N.Amanmyradow hem-de Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary fakultetiniň 3-nji ýyl talyby K.Mämedowyň türkmen diplomatiýasynyň taryhy, ösüşi, geljegi, sebit we ählumumy derejede ýurdumyzyň alyp barýan oňyn daşary syýasaty barada edilen çykyşlarda giňişleýin gürrüň berildi soňra, Türkmenistanyň Daşary işler ministrliginiň Halkara gatnaşyklary institutynyň aýdym-saz toparynyň ýerine ýetirmeginde aýdym sazly çykyşlara tomaşa edildi we Türkmenistanyň Diplomatik işgärleriniň güni mynasybetli Türkmenistanyň Kärdeşler arkalaşyklarynyň Milli merkeziniň sowgatlary gowşuryldy.
Beggeldi GUTLYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 2-nji ýyl talyby.