Türkmen bedewiniň milli baýramy mynasybetli aýdym-sazly baýramçylyk gepleşigi geçirildi
2023-nji ýylyň 22-nji aprelinde Türkmenistanyň Daşary işler ministrliginiň Halkara gatnaşyklary institutynyň ak öýüniň eýwanynda “Türkmen atlary” döwlet birleşiginiň hem-de Aba Annaýew adyndaky Halkara atçylyk akademiýasynyň bilelikde guramagynda Türkmen bedewiniň milli baýramy mynasybetli aýdym-sazly baýramçylyk gepleşigi geçirildi.
Aýdym-sazly baýramçylyk gepleşiginde Türkmenistanyň Prezidentiniň Ahalteke atçylyk toplumynyň ussat türgeni, S.A.Nyýazow adyndaky Türkmen oba hojalyk uniwersitetiniň, Türkmen döwlet bedenterbiýe we sport institutynyň, Türkmenistanyň Döwlet çeperçilik akademiýasynyň, Türkmenistanyň Daşary işler ministirliginiň Halkara gatnaşyklary institutynyň mugallymlary gatnaşdylar. Gepleşigi Tükmenistanyň halkara atçylyk assosiasiýasynyň “Behişdi ahalteke atlary” žurnalynyň Baş redaktory Narly Nuryýew alyp bardy.
Aýdym-sazly baýramçylyk gepleşiginiň dowamynda seýisçilik sungatynyň syrly taraplary, ussat seýis Aba Annaýewiň adyny göterýän Halkara atçylyk akademiýasynyň döredilmegi we onuň ähmiýeti hem-de ahalteke bedewlerimiziň ajaýyplygy, aýratynlygy barada giňişleýin gürrüň edildi.
Eneş ATAJANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň IV ýyl talyby.