TÜRGEN TALYPLARYMYZYŇ ÜSTÜNLIKLERI
2023-nji ýylyň 23-nji maýynda Türkmenistanyň Karate-do Federasiýasy tarapyndan gurnalan Karate-do boýunça geçirilen çempionatyna Türkmenistanyň Daşary işler ministrliginiň Halkara gatnaşyklary institutynyň ýygyndy topary gatnaşdy. Çempionat Türkmenistanyň ýokary okuw mekdepleriniň talyp ýaşlarynyň arasynda geçirildi. Şeýle-de institutymyzyň Halkara gatnaşyklary fakultetiniň II ýyl talyby Dawut Nazmyradow hem gatnaşyp, I orna mynasyp boldy (84 kg çenli).
Mundan başga-da, institutymyzyň Halkara hukugy fakultetiniň I ýyl talyby Ýusup Garajaýew hem gatnaşyp, I orna mynasyp boldy (60 kg çenli). Jemi gazanan utuşlar boýunça ýokary okuw mekdepleriň arasynda Türkmenistanyň Daşary işler ministrliginiň Halkara gatnaşyklary instituty I orny eýeledi. Talyp deň-duşlarymyzyň bu üstünligi bizi has-da buýsandyrýar hem-de biz olaryň okuwlarynda, geljekki gatnaşjak sport çärelerinde üstünlik arzuw edýäris!
Arslan Syýahatow,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby