« Merkezi Aziýa – Hytaý» formatynyň seljeriş merkezleriniň üçünji forumy geçirildi
2023-nji ýylyň 21-22-nji sentýabrynda Hytaý Halk Respublikasynyň Sian
şäherinde « Merkezi – Aziýa Hytaý» formatynyň seljeriş merkezleriniň üçünji
forumy geçirildi. Forum Hytaý Halk Respublikasynyň Jemgyýetçilik ylymlary
akademiýasynyň gurnamagynda geçirilip, onuň temasy «Hytaý – Merkezi
Aziýa boýunça has ysnyşykly bitewi jemgyýeti döretmek boýunça tagallalary
birleşdirmek» boldy. Bu geçirilen foruma Türkmenistanyň Daşary işler
ministrliginiň Halkara gatnaşyklary institutynyň rektory, taryh ylymlarynyň
kandidaty Jumamyrat Gurbangeldiýew hem-de institutyň Strategik barlaglar
boýunça ylmy merkeziniň başlygy Şiri Şiriýew dagy gatnaşdylar.
Bilermenleriň çykyşlardan belli bolşy ýaly, Merkezi Aziýa döwletleriniň
hersiniň aýratynlykda we sebit derejesinde Hytaý bilen häzirki wagtdaky
hyzmatdaşlygyň ösüşi barada bellediler. Türkmen wekiliýeti öz çykyşlarynda,
Türkmenistanyň daşary syýasaty sebit we dünýä derejesinde parahatçylygy,
howpsuzlygy üpjün etmek, ýurdumyzyň hemişelik Bitaraplyk hukuk
ýagdaýyny iş ýüzünde mundan beýläk-de peýdalanmak, syýasy-diplomatik,
söwda-ykdysady, medeni-ynsanperwer, ekologik ulgamlarda, energetika we
ulag-aragatnaşyk toplumlarynda, netijeli ikitaraplaýyn hem-de köptaraplaýyn
gatnaşyklary ösdürmek ýaly möhüm wezipeleri çözmäge gönükdirilendigi
barada bellediler.
Suraý ÖWLIÝAGULYÝEWA,
Türkmenistanyň Daşary işler ministrliginiň
Halkara gatnaşyklay institutynyň
Halkara gatnaşyklary we diplomatiýa
kafedrasynyň mugallymy.