Terbiýe — gymmatly baýlyk
2022-nji ýylyň 7-nji dekabrynda Türkmenistanyň Daşary işler ministrliginiň Halkara gatnaşyklary institutynda wagyz-nesihat maslahaty geçirildi. Oňa ýokary okuw mekdebiniň mugallymlary hem-de talyp ýaşlary gatnaşdylar.
Maslahatyň dowamynda çykyş edenler düzüminde partladyjy serişdeleri saklaýan pirotehniki we beýleki önümleriň ynsan saglygyna ýetirýän zyýanly täsirleri dogrusynda aýratyn durup geçdiler. Mundan başga-da, çykyşlarda ata-babalarymyzdan miras galan beýik ynsanperwer ýörelgeleri ýaş nesillerde kemala getirmek boýunça häzirki wagtda döwletimizde uly işleriň alnyp barylýandygy nygtaldy. Maslahatyň ahyrynda oňa gatnaşyjylar ýurdumyzyň ýaşlarynyň sagdyn bedenli, kämil ahlakly şahsyýetler bolup ýetişmekleri üçin taýsyz tagallalary edýän Arkadagly Serdarymyzyň janynyň sag, belent başynyň aman, döwletli işleriniň hemişe rowaç bolmagyny arzuw etdiler.
Gurbansähet GURBANSÄHEDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy hünäriniň II ýyl talyby.