Tebigatyň ýaraşygy — tämizlik
Berkarar döwletiň täze eýýamynyň Galkynyşy döwründe ýurdumyzy bagy-bossanlyga öwürmek, tokaý zolaklaryny döretmek we ekilen bag nahallaryna talabalaýyk ideg etmek, şäheriň arassaçylygyny saklamak maksady bilen, 2022-nji ýylyň 4-nji iýunynda Türkmenistanyň Daşary işler ministrliginiň Halkara gatnaşyklary institutynyň talyplary ýokary okuw jaýynyň çäginde degişli arassaçylyk işlerini geçirdiler. Talyplar arassaçylyk işleriniň dowamynda bag nahallaryna ideg edip, ýan-ýodalarda tämizlik işlerini ýerine ýetirdiler. Tebigatyň, daş-töweregiň arassaçylygyny saklamak, tämizligini üpjün etmek her birimiziň borjumyz bolup durýar. Şeýle arassaçylyk işleriň geçirilip durulmagy ýaşlarda tebigata bolan söýgüni terbiýeläp, olarda ekologik medeniýetiň kemala gelmegine ýardam edýär.
Senemgül ALLAKOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.