30/11/-0001
670
Täze ýyl baýramy mynasybetli wagyz-nesihat çäresi geçirildi
2021-nji ýylyň 22-nji dekabrynda Türkmenistanyň Daşary işler ministrliginiň Halkara gatnaşyklary institutynda Täze ýyl baýramy mynasybetli wagyz-nesihat çäresi geçirildi. Bu çärä institutyň okuw işleri boýunça prorektory Gülşat Ýusupowa, Türkmenistanyň Içeri işler ministrliginiň 4-nji müdirliginiň uly gözegçisi, polisiýanyň maýory Daýanç Durdyýew we Türkmenistanyň Saglygy goraýyş we derman senagaty ministrliginiň Aşgabat şäheriniň 7-nji saglyk öýüniň baş lukmany Altynaý Hojamuhammedowa gatnaşdy. Wagyz-nesihat çäräniň dowamynda Täze ýyl baýramy mynasybetli partlaýjy maddalary (jisimleri) taýýarlamak, ulanmak we ulanylýan ýerlerine barmagyň Türkmenistanyň kanunçylygynda bellenen jogapkärçilige çekilýändigi barada aýratyn bellenildi. Saglyk ulgamynyň wekili Täze ýyl baýramy mynasybetli gutlap, saglygy goraýyş edaralarynyň tabşyryklaryny we talaplaryny doly talabalaýyk berjaý edilmegi hakynda çärä gatnaşyjylaryň dykgatyna ýetirmek bilen öz çykyşyny dowam etdi. Şeýle çäreleriň yzygiderli geçirilmegi Türkmenistanyň kanunçylygynyň pugtalanmagy we talyp ýaşlaryň zyýanly endiklerden daşda durmagy üçin ähmiýeti uludyr.
Altyn BABYŞOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň talyby.