TÄSIRLI TÄLIM SAPAGY
2022-nji ýylyň 3-5-nji oktýabry aralygynda Ýewropada Howpsuzlyk we Hyzmatdaşlyk Guramasynyň (OSCE) Aşgabatdaky Merkeziniň guramagynda paýtagtymyzdaky «Ýyldyz» myhmanhanasynda «Terrorçylyga alyp barýan zorlukly ekstremizmiň we radikalizmiň howpunyň öňüni almak» atly tälim sapagy geçirildi. Tälim sapagyna Türkmenistanyň Bilim ministrliginiň, Türkmenistanyň Sport we ýaşlar syýasaty ministrliginiň, Türkmenistanyň Magtymguly adyndaky Ýaşlar guramasynyň wekilleri, Türkmenistanyň Magtymguly adyndaky Türkmen döwlet uniwersitetiniň, Türkmenistanyň Daşary işler ministrliginiň Halkara gatnaşyklary institutynyň, Halkara ynsanperwer ylymlary we ösüş uniwersitetiniň, Türkmenistanyň Telekommunikasiýalar we informatika institutynyň mugallymlary hem-de talyp ýaşlar gatnaşdylar. Tälim sapagyny Döwran Halow we Nargiz Açildiýewa ýaly halkara bilermenler alyp bardylar.
Tälim sapagynyň esasy maksady zorlukly ekstremizmiň öňüni almak we oňa garşy göreşmek babatynda ýaşlaryň habarlylygyny ýokarlandyrmaga gönükdirildi.
Gözel EMINOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň V ýyl talyby.