TÄSIRLI GEÇEN DEBAT
2022-nji ýylyň 14-nji iýunynda Türkmenistanyň Daşary işler ministrliginiň Halkara gatnaşyklary institutynda Dünýä dilleri kafedrasynyň gurnamagynda institutda hereket edýän ylmy gurnaklaryň işjeň agzalaryndan düzülen “Diplomats, Lawyers, Economists and Journalists” atly debat geçirildi. Debat talyplaryň dil bilmek başarnyklaryny ösdürmek we rus dilinde gürlemek endiklerini ýokarlandyrmak maksady bilen rus dilinde geçirildi.
Debatyň dowamynda talyplar iki topara bölündiler. “Dip.Corpus” toparynda Halkara gatnaşyklary we Halkara hukugy fakultetiniň talyplary, “Eco-Journalists” toparynda bolsa, Halkara ykdysady gatnaşyklary we Halkara žurnalistikasy fakultetiniň talyplary çykyş etdiler. Iki topar hem debatyň dowamynda anyk delillere salgylanyp, özbaşdak pikirlenmek ukybyny açyp görkezdiler. Eminler toparynyň gelen netijesine görä, “Dip.Corpus” topary ýeňiji diýlip yglan edildi.
Çekeleşikli geçen debatyň talyplaryň köpçüligiň öňünde çykyş etmek we tankydy pikirlenmek endiklerini ösdürmek üçin ähmiýeti örän uludyr. Şeýle çäreleriň yzygiderli geçirilmegi talyplaryň daşary ýurt dillerinde, şol sanda, rus dilinde pikirlenmek, gürläp bilmek endikleriniň has-da ýokarlanmagyna, döwrüň möhüm meselelerine içgin düşünmegine oňyn ýardam eder.
Wepa KARAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl talyby.