Talyplar sportuň gandbol görnüşi boýunça ýaryşdylar
2022-nji ýylyň 14-nji oktýabrynda Türkmenistanyň Daşary işler ministrliginiň Halkara gatnaşyklary institutynyň we Magtymguly adyndaky Türkmen döwlet uniwersitetiniň Talyplar klublarynyň guramagynda sportuň gandbol görnüşi boýunça talyp oglanlaryň arasynda ýoldaşlyk duşuşygy geçirildi.
«Türkmenistan — sagdynlygyň we ruhubelentligiň ýurdy» atly talyplaryň arasynda geçirilýän sport ýaryşlaryna taýýarlyk görmek maksady bilen, ýokary okuw mekdepleriň «Älem» hem-de «Galkynyş» gandbol toparlary duşuşdylar.
Çekeleşikli geçen duşuşygyň dowamynda Magtymguly adyndaky Türkmen döwlet uniwersitetiniň «Galkynyş» gandbol toparynda çykyş edýän talyplar tapawutly netijeleri görkezmegi başardylar.
Gyzlargül ANNAGURDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň III ýyl talyby.