Talyp ýaşlaryň arasynda «Sanly ulgam – üstünligiň açary» atly wagyz-nesihat duşuşygy geçirildi
2024-nji ýylyň 11-nji sentýabrynda Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň guramagynda «Sanly ulgam – üstünlikleriň açary» atly wagyz-nesihat duşuşygy geçirildi.
Bu duşuşykda Halkara ykdysady gatnaşyklary kafedrasynyň mugallymy Meýlis Nepesow, Aşgabat şäheriniň Berkararlyk etrabynyň Halk maslahatynyň agzasy Dünýägözel Hojamyradowa, Aşgabat şäheriniň ýaşaýjysy, Türkmenistanyň Zenanlar guramasynyň Merkezi geňeşiniň agzasy, mährem ene Toty Hudaýberdiýewa şeýle hem Halkara ykdysady gatnaşyklary fakultetiniň talyby Orazmyrat Sähetmyradow dagy çykyş etdiler.
Duşuşygyň dowamynda sanly tehnologiýalaryň ýurdumyzda ornaşdyrylyşy, «Türkmenistanda 2019 — 2025-nji ýyllar üçin sanly ykdysadyýeti ösdürmegiň Konsepsiýasyny» durmuşa geçirmäge ýardam bermek maksady bilen işlenip taýýarlanylan «Elektron hökümet hakynda» Türkmenistanyň Kanuny, elektron hökümetiň işiniň tertibi, sanly ulgamyň ýeten üstünlikleri barada durlup geçildi.
Çykyş edenler Gahryman Arkadagymyzyň, Arkadagly Gahryman Serdarymyzyň janlarynyň sag, başlarynyň dik, Garaşsyz, hemişelik Bitarap döwletimizi mundan beýläk-de ösdürmek babatda alyp barýan ähli tutumlarynyň rowaç bolmagyny arzuw etdiler.
Güljeren ATAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň III ýyl talyby.