“TALYP JOŞGUNY – 2023” atly döredijilik festiwaly
2023-nji ýylyň 3-nji iýunynda Türkmenistanyň Daşary işler ministrliginiň Halkara gatnaşyklary institutynda Türkmenistanyň Magtymguly adyndaky Ýaşlar guramasynyň Merkezi Geňeşiniň hem-de Türkmenistanyň Bilim ministrliginiň bilelikde guramagynda ýurdumyzyň ýokary okuw mekdepleriniň talyplarynyň arasynda asylly däbe öwrülen “Talyp joşguny – 2023” atly döredijilik festiwaly dabaraly ýagdaýda geçirildi. Döredijilik festiwalyna institutyň bagtyýar talyp ýaşlary işjeň gatnaşdylar.
“Talyp joşguny – 2023” atly döredijilik festiwalynyň şertleri Gahryman Arkadagymyzyň jöwher paýhasyndan dörän kitaplarynyň esasynda taýýarlanyldy. Bu festiwal “Arkadag Serdarly bagtyýar ýaşlar” edebi-sazly kompozisiýa, degişme sahnasy, we “Käbäm” atly goşgyny çeper okamak, institutyň talyp gyzlarynyň taýýarlan “Bahar bägülleri” atly tansy, degişme sahnasy, halk döredijiliginden bir parça şeýle-de, institutymyzyň höwesjeň talyplarynyň ýerine ýetirmeginde Watanymyzyň ösüşlerini wasp edýän aýdym bilen utgaşyp, şatlyk-şowhuna beslendi.
Arslan GUWANÇMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň
II ýyl talyby.