Ahlak gymmatlyklaryna bagyşlanan wagyz-nesihat duşuşygy geçirildi
2023-nji ýylyň 12-nji iýunynda Türkmenistanyň Daşary işler ministrliginiň Halkara gatnaşyklary institutynda talyp ýaşlaryň arasynda tertip-düzgün, milli ahlak ýörelgelerini ýaýbaňlandyrmak, zyýanly endiklerden daşda durmaklygy ündemek, temmäki önümleriň adam saglygyna ýetirýän zyýanyny düşündirmek, kanunbozulmalaryň öňüni almak, ýaşlaryň saglygyny, işjeňligini we ömrüni uzaltmagyň netijeli ýollaryny düşündirmek, bedenterbiýäniň adam saglygyna ýetirýän täsirini düşündirmek we ýaşlaryň bu meseleler barada düşünjesini ýokarlandyrmak maksady bilen “Sagdyn durmuşda ýaşamaklygyň ýollary” atly wagyz-nesihat duşuşygy geçirildi.
Duşuşygyň dowamynda Türkmenistanyň Daşary işler ministrliginiň Halkara gatnaşyklary institutynyň Ylmy işler boýunça prorektory Begenç Mätliýew, Türkmenistanyň Içeri işler ministrliginiň Metbugat merkeziniň bölüm müdiri Toýly Abdullaýew, Türkmenistanyň Döwlet gümrük gullugynyň wekili Begenç Haýidow, Türkmenistanyň Demokratik Partiýasynyň Aşgabat şäher komitetiniň partiýa guramaçysy Didar Meredow, Türkmenistanyň Halk maslahatynyň agzasy Aşgabat şäheriniň tebigy ugurly derslere ýöriteleşdirilen 44-nji orta mekdebiniň ýokary derejeli mugallymy Şirinjemal Ýegelekowa, Aşgabat şäheriniň 8-nji saglyk öýüniň maşgala lukmany, zähmet weterany Nurgözel Kömekowa, Türkmenistanyň Mejlisiniň deputaty Enejan Ataýewa, şeýle-de Türkmenistanyň Içeri işler ministrliginiň Polisiýanyň ýol gözegçiligi müdirliginiň wekili, polisiýanyň maýory Döwran Amanmyradow dagylar çykyş etdiler.
Çykyş edenler ýurdumyzda ösüp gelýän ýaş nesliň zyýanly endiklerden daşda durmagynyň, sagdyn jemgyýeti kemala getirmegiň zerurlygy dogrusynda gürrüň etdiler.
Kadyrmyrat ÖWEZGYLYJOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.